Selfie-ak kirolari olinpikoekin

maialen2

Naiara Egozkue eskubaloi jokalariarekin

Rioko kirolariekin egoteko aukera izan dugu egun hauetan (abuztuaren 8tik 15era) eta argazkiak eta selfiak ez dira falta izan. Honako izar olinpikoek irribarre egin digute kameren aurrean. Mila esker! [+]

0

Agurra Barrako gune olinpikoan

aa4

Iritsi zaigu Rion azken lehiaketa eguna, eta gaurkoan ere emakumezkoen kirolaz gozatu ahal izan dugu. Botafogon hasi dugu eguna. Copacabanatik ez oso urrun, emakumezkoen maratoiaren ibilbidea bertatik pasatzen baitzen. Eguzkiak gogor jotzen zuen goizean zehar, eta nabaritu da hori korrikalarien ahaleginean. Guk geuk ere beroari aurre egiteko koko bana hartu behar izan dugu eguerdian. Hondartza ertzetik genbiltzala, deigarria iruditu zaigu kitolak Rioko herritarren egunerokoak duen presentzia; jende andana elkartzen baita kirola egiteko kalean dauden guneetan. Arratsaldearekin batera berehala ekin diogu Barrako gune olinpikorako bideari.


Gaur bai, gaur lortu dugu barrura sartzea, eta harrituta bezain hunkituta geratu gara. Gune handia da eta bertan aurkitzen dira instalakuntza nagusienetakoak. Tenis pistak, belodromoa, igerilekua edota saskibaloi nahiz eskubaloi kantxak. Azken honetan egotea egokitu zaigu gaur. [+]

0

Goizean natura, arratsaldean kirola

image1

Kirol proba garrantzitsuetan dena emateko, kirolariek ondo kontzentraturik egon behar dute. Horretarako natura nagusi den inguruetan paseoak ematea oso ohikoa da olinpikoentzat. Eta hala egin dugu gaurkoan guk ere.

Goizean Rioko lorategi botanikora joan gara. Ikusgarria iruditu zaigu bertan ikusi ahal izan ditugun zuhaitz, landare mota ezberdinak eta animaliak. Tximinoak han hemenka ikus zitezkeen hainbat eta hainbat metro luzeetako palmondo eta banbuzko kañen artean saltoka.Benetan zoragarria izan da bertako fauna biltzen duen lorategi eta urmaelen artean ibilaldi bat egitea, ur jauzien soinuarekin erlaxatzea eta Hego Ameriketako landare exotikoekin begiak deleitzea. Kuriositate modura, deigarria iruditu zaigu bertan haurdun ugari ikusi ditugula argazkiak ateratzen haien senitartekoekin. [+]

0

Emakumeak protagonista Rion

IMG_1797

Zer lirateke Jokoak atletismorik gabe? Ez zaigu halakorik okurritzen. Behin Riora iritsita, ezin Engenhao estadio Olinpikoa zapaldu gabe itzuli. Urdina da, handia eta polita. Eta itxura guztien arabera azkarra ere bai. Ez bat, ez bi. Hiru munduko errekor ikusi ditugu bertatik bertara lehen egunean. Hirurak emakumezkoenak. Haiek izan baitira gaurko eguneko protagonistak.

Lehenik eta behin Almaz Ayana etiopiarrak hautsi du 10.000 metroetako marka. Ikustekoa izan da abiatu diren erritmoa. Partzial bakoitza arretaz jarraitu dugu, eta, hain zuzen, lasterketaren azkenean hautsi du 2003tik Paula Radcliffena zen errekorra. 13 segunduan hobetu ere: 29’17’’eko denbora egin du azkenean, eta estadioa zutik jarri. Orruka, txalo zaparrada handia eskaini diote zaleek. [+]

0

Maialen Chourraut, urrea Rion

2016-08-11 23.50.30

Historia letra larriz. Historia Olinpiar Jokoetan. Lehen aldiz urrezko domina lortu du Maialen Chourrautek K1eko ur lasterretako proban. Eta gu lekuko zuzenak izan gara. Ez dugu berehalakoan ahaztuko Deodoroko kanal olinpikoan bizitakoa.

Zapore gazi-gozoarekin atera ginen azkenengo aldiz bertatik, Ander Elosegik ez baitzuen guk nahiko genukeen emaitzarik lortu. Baina gaur gauzak oso bestela izango zirela bagenekien, eta asmo horrekin hurbildu gara, dominaren esperantzari tinko helduta. Ikurrinez josi ditugu harmailak mundu guztiari bertan geundela jakinarazteko, eta eztarriak urratu ditugu Maialen ur lasterretatik jaisten hasi orduko. [+]

0

Deodoron, Rocio Ybarra kapitainarekin

20160810_120659

Kaixo! Goizean goiz esnatzea tokatu zaigu gaurkoan. 5:45ean jarri dugu iratzargailua irrati elkarrizketa bati erantzuteko. Guztiok lehen eguneko gure esperientzia kontatu dugu Rioko hoteletik. Atseden pixkatxo bat hartu ostean gosaltzera jaitsi eta Deodororako bidea hartu dugu gaurkoan ere. Gaur ez zen slalomik tokatzen, gaur belar-hockeyaren txanda zen. Espainiako selekzioan jokatzen duten Maria Lopez de Eguilaz eta Rocio Ybarra bizkaitarrek ezin izan dute Zeelanda Berria garaitu, 2-1 galdu dute. Partidaren ostean Rocio Ybarraren senitartekoek, atsegin handiz, kapitainarenganaino eraman gaituzte. Ybarrak burumakur eta malkotan hitz egin du gurekin, porrota oso bere sentitu baitu, kapitain on guztien gisara.

Negua da hego-hemisferioan, eta gaur Rion haize feskoa izan dugu protagonista. Nork esan behar zigun jertsea beharko genuenik tropikoan! Barruak berotzeko zerbait jan eta vuelta estadiora. Oraingo honetan Korea eta Alemaniaren artekoa ikustera. Europarrak garaile asiarren aurrean, baina Rion zeuden korear apurrek gogotsu aupatu dute euren taldea. [+]

0

Ez dugu amore ematen

IMG_9393

Hemen gara berriro ere! Gaurko egunean hotelean ondo gosaldu ostean Deodororako bidaiari ekin diogu. Bertara iristeko metroa, trena eta autobusa hartu behar izan ditugu eta egia esan, kirol kokalekuetara iristeko seinalizazioa ez da oso ona. Bi orduko bidaiaren ostean bertara iritsi gara eta Ander Elosegiren piraguismoko finalerdirako eta finaletarako sarrerak erosi ditugu, euskal kirolari baten Rioko lehenengo domina ikusteko ilusioz beterik.

Giro oso ona topatu dugu harmailetan. Iritsi orduko Maialen Chourraut agurtzeko aukeraere  izan dugu! Bere txanda ostegunean izango da; gaurko protagonista, ordea, Elosegi bera zen. Finalaurrekoan bigarren denbora onena eginda eta jaitsieran erakutsitako segurtasunarekin, dominarekin amets egiten hasi gara guztiok: gu geu, Ander Elosegiren kuadrillako neska-mutilak, Chourrauten gurasoak… Baina ez da posible izan. [+]

0

Kaixo Rio!

IMG_0140

Iritsi gara! Gazte Olimpic Team Rio de Janeiron da dagoeneko! Olinpiar Jokoak bertatik bertara jarraitzeko gogotsu, eta, zorte apur batekin, gure euskal kirolarien lorpenak kontatzeko prest! [+]

0

Hasi da Rio 2016ko Olinpiar Jokoetako abentura

Irati, Aitor, Jon y Maria Río de Janeirora abiatu dira

GOT Rioko lau gazteak, Jon Altuna, Irati Agirre, Aitor Biain eta Maria López gaur, abuztuaren 8, irten dira Loiuko aireportutik Rio de Janeirora bidean, bertan Basque Teameko euskal kirolarien jarraipena egiteko asmoz, Olinpiar Jokoetan. Rion izango dira blogari lanetan abuztuaren 15a bitartean.

Urduritasunetatik haratago guztiei egin diegu galdera bera: [+]

0

Mikel Landa: ‘Rioko Joko Olinpikoetan egotea merezi nuen’

1989ko abenduaren 13an jaio zen Mikel Landa murgiarra. Egun, 26 urte dituela, bere zazpigarren denboraldia egiten ari da txirrindularitzako profesional maila gorenean 2010ean Orbea-Oreka SDA talde kontinentalarekin lehen agerraldia egin eta gero. 2011-2013 denboraldiak Euskaltel-Euskadin eman ostean, 2014 eta 2015.en urteak Astanan eman zituen. Azken urte horretan, Italiako Giroan podiumera igotzea lortu zuen, eta horrek eskaintza pisutsuagoak jasotzea ahalbidetu zion. Hala nola, egun World Tourreko talde ahaltsuena den Sky taldean dago, 2017ra bitarte sinatutako kontratu batekin. [+]

0
Page 1 of 4612345...102030...Last »